קלמן װײַזער איז דער פּראָפֿעסאָר פֿון ייִדישע לימודים אויפֿן נאָמען פֿון דער משפּחה זילבער אין יאָרקער אוניװערסיטעט אין טאָראָנטע, קאַנאַדע. ער איז דער מחבר פֿון Jewish People, Yiddish Nation: Noah Prylucki and the Folkists in Poland, אַרויס אין 2011, און דער מיטרעדאַקטאָר (צוזאַמען מיט יהושע פֿאָגעל) פֿון Czernowitz at 100: the First Yiddish Language Conference in Historical Perspective, אַרויס אין 2010. די טעג אַרבעט ער אויף אַ נײַער אויסגאַבע פֿון שלמה בירנבוימס קלאַסיש װערק Yiddish. A Survey and a Grammar און פֿאָרשט דאָס לעבן און קאַריערע פֿונעם ייִדיש־פֿאָרשער מאַקס װײַנרײַכן.